Klámvísur í kreppunni.(bannað yngri en 18)hehehe


Very sexy

 
ég hef einstaklega gaman af klámvísum, og léttum bröndurum.Flestir feministar halda því fram að konum þyki fyrir neðan allar hellur léttar klámvísur og brandarar.Því er ég ekki samála, og skemmti mér yfir þessu á erfiðum tímum.Það skiptir öllu máli að hætta ekki að brosa og knúsast á þessu krepputímabili, sem tröllríður þjóðinni.Ég mæli með því að þið lokið fyrir fréttir-spjallþætti í útvarpi og sjónvarpi, og takið ykkur frí frá krepputali og stýrivöxtum.Þetta eru mannskemmandi tímar fyrir alla, og takið frá stutta stund, og skemmtið ykkur yfir vísunum sem ég hef safnað samann á síðunni.(blikk-blikk)
HeartGrin
 

Jón minn hefur litla lyst,

langtum betur aðrir sóttu.

Það var aðeins allra fyrst

að hann réri á hverri nóttu.

Wink

sexy

Ég besefan viðra um bjarta nótt,

og bjartsýnn ég áfram hann teymi.

Ótrauður áfram haldinn sótt,

öllum verkjum bara gleymi.

LoL

Upp á konuna kemst ég ekki,

krankleikinn er slíkur.

Þetta böl nú ég þekki,

að þurfa’ afþakka píkur.

Wink

Hann var gripinn við að gera’ða,

gómaður með Höllu.

Hann var ekkert að fela’ða,

og fór bara úr öllu.

 Smile

Með bísperrt sparitól,

ég spenntur bíð og vona.

Að nokkrum nóttum eftir jól,

njótumst ég og mín kona.

Joyful

 

Botninn prýðir bústna snót,

brjóstin einnig lagleg.

Tel að ekki hætis hót,

hún sé mönnum skaðleg.

 

 

SexY

Þér við lendar ljúfa frú,

læt ég endast nótt án trega.

All-vel kenndur er ég nú,

og mér stendur bærilega.

 GrinLoLHappy

Fann þessar vísur hér og þar umnetið hehe.vonandi verður ykkur ekki brátt í brók af vísunum. 

 

 

 

 


Vildi senda ykkur góðar kveðjur

Sendi ykkur góðar kv inn í nýja viku.Tendrið á kertum og fáið ykkur heittan drykk, og hafið það notalegt í skammdeginuHeart.Ég elska skammdegið og rökkrið, að vefja minn inn í notalegt teppi og horfa í kertaljósið.Óska ykkur þess sama......................

2190773091_68b0a15d4e

kv bs..........


Heklugos

heil og sæl.
 
ég held að það væri mjög gott fyrir þjóðfélagið ef Hekla mundi gjósa!Spennan í þjóðfélaginu hefur safnast upp út af bankaráninu fræga(eða bankahrun),verðbólgan á eftir að springa út.Það mundi minka spennuna ef gos yrði, ég hef fulla trú á því.Það þarf að fylgjast vel með ferðum á fjallið næstu mánuði, svo ekki verði manntjón við gosið.Það yrði hreinsandi gos fyrir landiðHalo.
kv frá Borgarfjarðarskottu sem gékk aftur hehe.
hekla

mbl.is Hekla getur gosið hvenær sem er
Tilkynna um óviðeigandi tengingu við frétt

Drullaðu þér úr nærbuxunum stelpufífl!

Minning kom upp í kollinn frá því ég var barn þegar ég las um fréttinn um drenginn sem var neyddur í sturtu.Þegar ég var barn í skóla þá áttum við stelpurnar í bekknum mjög kikk íþróttakennara, og aðrir bekkir líka sem hann kenndi.Þetta byrjaði í 11 ára og 12 ára bekk þegar margar stúlkurnar voru byrjaðar á blæðingum.Þegar það var sund eða íþróttatími, þá báðu sumar stúlkurnar um leyfi frá tíma, eða horfa á eins og það var kallað þáGasp.Þessi mannaumingi fór fram á það, að við girtum niður um okkur buxur og naríur til að sjá bindið og blóðið.Ég og nokkrar aðrar stúlkur gerðum okkur ekki grein fyrir því að þetta væri óeðlilegtDevil.(ég var ein af þeim sem girti niður um mig)Blush.Eitt sinn í 12 ára bekk sem heitir 7 bekkur í dag, var það í einum tímanum að ég komst ekki í sund vegna þess að ég var á túr.Sundkennarinn fór fram á að ég girti niður um mig til að sjá bindið, en það var ekkert bindi.Hann segir mig vera að ljúga til að sleppa við að fara í sund, sem var auðvitað ekki satt.Hvar er þá bindið segir fíflið, ég er ekki með bindi heldur túrtappa segi ég.áður en ég vissi hafði hann séð spottan og kippt niður tappanum.Það var ofsalega sárt þegar fíflið gerði þetta, og líka leið mér eins og aula,með buxurnar niður um mig og kennarfíflið standandi fyrir framan mig með blóðugan tappann.Angry

Ég klagaði hann auðvitað og afsökunin var sú, að hann vildi fá að sjá bindin til að vera viss um að við værum að segja satt, til að sleppa ekki við sund eða leikfimiAngry.Ég man ekki ekki eftir því hvort mikið mál hafi verið gert úr þessu, fékk örugglega áminningu.Ég hætti hins vegar að fara í sundtíma þennan vetur, og stuttu seinna fluttum við í annað hverfi næsta ár.

langaði að deila þessu með ykkur.Svona ósvífni er úti um allt.

poison-apple


önnur draugasaga.....gleðra1.

Um 1840 bjó sá maður að Hvammi í Eyjafirði er Ólafur hét; hjá honum var vinnukona er Soffía hét. Einn jóladag fór bóndi til kirkju og fékk Soffía leyfi hjá konunni að fara kynnisferð út í Kræklingahlíð því hún hafði verið vinnukona áður í Lögmannshlíð. Nú fór hún á stað seint á jóladaginn og var fylgt út fyrir Glerá, en þá fór að dimma, bæði af kafaldi og kveldi, og gerði versta norðanbyl um nóttina sem hafður er í minnum. Á annan í jólum er kafaldinu stytti upp fannst hún örend á þúfu fyrir neðan Lögmannshlíð. Hún var svo flutt heim, og Ólafur nokkur er átti að smíða utan um hana gat ei haldizt við á kveldin í húsinu fyrir reimleika.

    Eftir þetta fór stúlku [er Elísabet hét] á Öngulsstöðum að dreyma kvenmann er henni þótti koma á gluggann upp yfir sér; stúlkan þóttist spyrja hana að heiti og því hún léti sig ei í friði. Hin kvaðst heita S. Gleðra, og hitt, að gera henni óróa og svefnleysi ásamt fleirum, svo sem Þorláki og Gónýju (Guðnýju). Nú var haft rúmskipti við stúlkuna, en það fór allt á sömu leið og kom Gleðra til hennar því oftar og það á hverri nóttu er hún sofnaði. Margt talaði hún við Elísabet og er þetta hið helzta: Einu [sinni] sagðist Gleðra hafa haft fæturnar sinn í hverjum glugga á baðstofunni og horft inn um hvern á víxl. Eitt kveld kvað hún fólkið hafa mikinn hlátur inni og mest hefði það gengið yfir sig hvað hlátursefnið hefði verið lítið, og kom það heim við sögn hennar. Hún kvaðst eiga heima í Þverárgilinu og hefði hún þar tvo félaga er hétu Gíon (Guðjón) og Keián (Kristján), en það vissu menn að tveir piltar höfðu dáið af slysum, annar orðið úti í Kaupangssveit, en hinn farið í Þverá. Elísabet þóttist spyrja hana að, því hún væri svona á gangi; Gleðra kvað þær orðsakir til þess að hún fengi ei næði að hvíla kyrr, hún hefði aldrei lesið faðirvor, farið ævinlega til kirkju fyrir siðasakir og sofið undir prédikuninni bæði í kirkju og heimahúsum, og þótti mönnum það satt vera.

    Eina nótt var lagt Nýja testamentið eða einhver guðsorðabók ofan á stúlkuna; þá dreymdi hana Gleðru; hún kvaðst hafa rekið sig á eitthvað illt og meitt sig. Eftir þetta var stúlkunni komið á burt að Kristnesi og hætti hana þá að dreyma Gleðru fyrir fullt og allt. En þá fór stúlku er Margrét hét í Helgárseli að dreyma Gleðru upp á sama hátt og Elísabet. Margrét þóttist spyrja hana að, því hún léti sig ei vera; Gleðra kvað hana vera svo hjartadeiga. Stúlkan spurði hana margs og leysti hún úr því. Einu sinni þóttist Margrét heyra hringl í vasa henar og spyr um það; Gleðra kvað það vera krákuskel og nafar. Einu sinni spurði Margrét hana að hvernig á Grýtudraugnum hefði staðið; Gleðra kvað hann af manna völdum verið hafa , eða J…á M……..

    Einu sinni sagði hún stúlkunni að hún hefði í þremur sporum frá Lögmannshlíð og að Helgárseli. Einu sinni spurði Margrét Gleðru að hvar fyrir húfa hennar væri svona ljót og óhrein; Gleðra kvað hana samboðna þeim félagsskap er hún væri í . Einu sinni sagði Gleðra stúlkunni frá svipu er týnzt hafði, og fannst hún í þeim sama stað. Svo fór með tímanum að stúlkan varð ekki mönnum sinnandi, og vissu menn ei hvaða bragða menn skyldu neyta með það. Loksins tóku menn upp á því að láta Margrétu spyrja Gleðru að því í svefni hver ráð ætti við að hafa. Það þóttist Margrét gera. Gleðra kvað sér ei neitt um það gefið, en sagði þó að ef reknir væru fjórir stálnaglar ofan í leiðið sitt mundi það duga, eins og Nonni (Jón) í Hlíð hefði ráðlagt. Nú var farið til járnsmiðs eins, Ólafs á Svertingsstöðum í Kaupangssveit; smíðaði hann fjóra stálnagla, fékk Margrétu og fór hún eina nótt út að Lögmannshlíð. Og ráku þeir bræður Ólafur og Jón naglana ofan í leiðið og var Margrét viðstödd á meðan. Eftir þetta dreymdi Margrétu aldrei Gleðru, og varð lítið vart við hana síðan; áður höfðu ýmsir orðið varir við hana í Kræklingahlíð og oft var það í Hvammi um veturinn að sá sem leysti heyið handa kúnum í hlöðunni, að hann heyrði gengið um hlöðuna og eins og skrjáfaði í freðnum fötunum.


Áhyggjur í Landsbanka: Fyrrum yfirmaður Icesave settur yfir innri endurskoðun Nýja Landsbanka

landsbankinn4.jpgStarfsmaður Landsbankans varar nú við því í bréfi sem hann hefur sent frá sér, að framkvæmdastjóri Alþjóðasviðs Landsbankans, Brynjólfur Helgason, skuli hafa verið gerður að forstöðumanni Innri endurskoðunar Nýja Landsbankans.

Icesave í Englandi og Hollandi var stjórnað sem sérverkefni undir Alþjóðasviði.

Starfsmaðurinn telur að þarna sé farið inn á hættulega braut – að gjörningsaðili eða a.m.k. hluti hans sé farinn að rannsaka sjálfan sig, jafnvel breiða yfir fyrri gjörðir.

Hann vill meina að mjög mikilvægt sé að stöðva slíka gjörninga áður en þeir nái að festa sig í sessi. Hann hefur sent bréf sitt til fjölmiðla og sett sig í samband við þingmenn allra flokka vegna málsins. Athugasemdum hans mun ekki beint að Brynjólfi persónulega.

Starfsmaðurinn segir m.a. í bréfi sínu:

“Icesave ævintýrinu í Englandi og Hollandi (sem er að setja Ísland á hausinn) var stjórnað sem sérverkefni undir Alþjóðasviði, þetta var eitt meginverkefni þess síðustu misserin.

“Vitleysan heldur s.s. áfram.
- Hvað á framkvæmdastjóri Alþjóðasviðs að gera sem innri endurskoðandi?
- Á hann að passa upp á að það verið ekki allt rannsakað?
- Á að verðlauna yfirmanninn með þessum hætti?
- Hafa menn ekkert lært?
- Eru að verða fleiri svona mistök í “björgunarferlinu”?
- Ætlar ný stjórn embættismanna að láta þetta viðgangast?

Er þetta boðlegt fyrir þjóðfélagið?
Svo má bæta því við að fyrrverandi innri endurskoðendur Glitnis og Landsbankans eru hvor í sinni skilanefndinni. Þeir sem voru hluti af því regluverki sem brást. Þeir bera etv. ekki mestu ábyrgðina, en eru klárlega hluti af því regluverki sem brást.  Er ekki eitthvað að þegar svona er gert? Þó svo þekking þessara manna sé nýtt þarf ekki að setja þá í valdastöður við að stjórna rannsókn á klúðri sem þeir voru hluti af!! Er framboð hæfra manna virkilega ekki meira?”

“Hversu hlutlausir þurfa endurskoðendur að vera?

Starfsmaðurinn bendir jafnframt á að fráfarandi innri endurskoðandi LÍ, Sigurjón Geirsson, sé nú er í skilanefnd gamla LÍ, og segir hann hafa verið “virkan þátttakanda í Icesave ævintýrinu í Englandi og Hollandi.  Það skýtur skökku við það hlutleysi sem krafist er af slíku embætti. Er engin hætta á hagsmunaárekstri hér? Hverra hagsmuna gæta starfsmenn skilanefndar?”

Starfsmaðurinn, sem segist vegna aðstæðna sinna ekki geta gefið upp nafn sitt, bendir jafnframt á leiðbeinandi reglur FME um innri endurskoðun fjármálafyrirtækja sem eru nýkomnar út, þar sem segir m.a. “...skal reynt að tryggja að starfsmenn hennar séu hlutlausir í reynd og starfi óháð þeim rekstrareiningum sem þeir endurskoða.”


Bloggvinir óskast!

Eins og einhverjir hafa tekið eftir þá er ég ný í bloggheimumBlush.Langar til að vera með og eignast bloggvini og fá comentWink.Um hvað þarf maður að skrifa til að fá lesendur,coment,kv í gestabók og fleira.

Friend

kv BS.Happy

 


draugasögur........

njótiðSmile 

Hleiðrargarðs-skotta

Hér um bil 1740-1770 bjó í Hleiðrargarði í Eyjafirði bóndi nokkur að nafni Sigurður Björnsson; þótti hann skynsamur maður og mikilhæfur í skapi.
    Það er sagt, að hann færi eitt sinn á öndverðu sumri, þegar hann var á yngri árum sínum, til fiskikaupa vestur undir Jökul; vildi þá svo til, að honum og manni nokkrum, er hann átti kaup við, kom ekki saman í viðskiptunum; varð út úr því deila með þeim og síðan áflog. Sigurður var hraustmenni og harðfengur í viðskiptum og snaraði hinum undir sig og gaf honum nokkur högg. Þegar maðurinn stóð á fætur, heitaðist hann við Sigurð og kvaðst mundu launa honum, áður jafnlengdin kæmi, fór síðan burtu, en Sigurður ásamt lagsmönnum sínum sneri heim aftur og settist í bú sitt.

Á þessum tíma bjó á Krýnastöðum, næsta bæ við Hleiðrargarð, maður sá, er Hallur hét, kallaður Hallur sterki; var hann skyggn og hafði oft séð drauga og fengist við þá. Svo er sagt, að Hallur þessi væri staddur úti á bæjarhlaði sínu eitthvert kvöld um haustið næsta á eftir sumri því, sem Sigurður kom úr skreiðarferðinni; sá þá Hallur koma draug í stelpulíki utan götuna; var hún lítil á vöxt, með rauðan bol, í mórauðu pilsi, sem náði aðeins í knésbætur, með skúflausa skotthúfu og snöggklædd.

Þegar stelpan sér Hall, ætlar hún að víkja úr vegi, en hann gekk í veg fyrir hana og spyr, hver hún sé. Hún segist hafa heitið Sigga. Hann spyr, hvaðan hún kæmi og hvert hún eigi að fara.

Hún segir: "Að Hleiðrargarði."

"Hvað ætlarðu að gjöra þangað?" segir hann.

"Að drepa Sigurð Björnsson," segir hún. Hljóp hún svo veg sinn, og tindruðu neistar úr sporum hennar.

Þetta sama kvöld svaf Sigurður í rúmi sínu, og hagaði svo til, að gluggi var yfir því. Hitt fólkið í baðstofunni var vakandi.

Sigurður spratt snögglega á fætur og spyr: "Hver kallaði til mín?"

Honum var sagt, að enginn kallaði til hans. Leggur hann sig upp í rúm aftur og sofnar, en sprettur upp aftur, þegar er hann var sofnaður, og segir, að víst hafi nú einhver til sín kallað. En honum er sagt, að það hafi eigi verið; leggur hann sig fyrir enn að nýju og sofnar ekki.

Þegar hann hefur legið litla stund, sjá menn hann líta út í gluggann og heyra hann segir: "A! er því svona varið?"

Sáu menn honum þá mjög bregða í andliti; gengur hann síðan fram að baðstofudyrum og víkur sér til hliðar við dyrnar, og heyra menn hann segja hátt: "Ef hér er nokkur, sem vill finna Sigurð Björnsson, þá er hann þarna," og bendir um leið með hendinni á niðursetningsdreng, Hjálmar að nafni, sem sat og táði á skák móti baðstofudyrunum.

Óðar er drengnum fleygt ofan af skákinni á gólfið; veltist hann þar um með ólátum og ósýn, sem verið væri að kyrkja hann; heimtar Sigurður þá vönd og flengir drenginn í krók og kring; hægðist honum þá lítið eitt, og var hann lagður upp í rúmið aftur; sýndist þá kroppur hans bólginn og marinn; fékk hann þessi áföll þrisvar eða fjórum sinnum um nóttina og smátt og smátt upp frá því, þangað til snemma um veturinn, að drengurinn dó í einu þessu flogi, og þótti líkami hans mjög svo þrútinn og uppblásinn með auðsjáanlegum svörtum fingraförum draugsins.

Eftir þetta fylgdi draugurinn Sigurði og börnum hans og jafnvel öllu fólki frá Hleiðrargarði. Oft sáu skyggnir menn stelpu þessa, sem kölluð var Hleiðrargarðs-Skotta og kennd við húfu sína, því skottið stóð upp af hausnum; var hún oftast, þegar hún sást, upp um einhvern bita, helst í bæjardyrum manna, og fló þar kött, sem kallað er.

Alltaf varðist Sigurður henni sjálfur, en drepa fór hún smátt og smátt búfé hans og jafnvel fé af næstu bæjum; þótti það þá mjög marið og blátt og hvervetna óætt. Eignað var henni að hafa drepið einn mann, Sigurð í Nesi, góðan bónda; fékk hann flogaveiki og dó úr henni.

Þegar yfirgangur hennar fór nú að verða svona svæsinn og menn óttuðust hann mundi aukast, svo til vandræða horfði, vildi sú heppni til, sögðu menn, að húsgangur nokkur undan Jökli kom í sveitina, að nafni Pétur, og var almennt kallaður Jökla- Pétur. Hann var göldróttur mjög, en fór ætið vel með listina.

Sigurður í Hleiðrargarði var mannlundaður og greiðugur og gjörði Pétri því góðan greiða og sagði honum frá, að eigi þyrfti hann samt að njóta sveitar sinnar, því sér hefði þaðan verið sendur draugur, sem mikinn skaða gjöri sér og öðrum og líklega hafi líf sitt að lokum.

Pétur sagðist mundi hjálpa honum frá þessum djöfli og tók sig burt eina nótt, tók með sér drauginn og batt hann við stóran, jarðfastan stein á þeim stað milli Strjúgsár og Vallna í Saurbæjarhrepp, sem nefndur er Varmhagi; gat svo draugurinn ekki um langan tíma mein unnið, en oft heyrðist væl hans um nætur, og ekki máttu menn fara þar nærri; fengu þeir þá ógleði, höfuðsvíma og villu, jafnvel um bjarta daga.

Á árunum 1806-1810 byggði presturinn í Saurbæ, sem hét síra Sigurður og lifir enn, beitarhús ekki alllangt frá þessum stað, því hér var útbeit góð. Fyrstu nótt, sem hýst var í húsi þessu, var ein kind drepin og fleiri þar á eftir; kenndu menn þá sama útlit og viðskilnað á kindarskrokknum eins og þau, sem draugurinn hafði áður haft, og fóru því að hugsa, að á honum væru farin að slakna bönd. Veikindi og dauði á sauðfénaði fór að smádreifast út um allan Eyjafjörð og kallast pest, en fyrir löngu er þó sú vantrú orðin innrætt hjá fólki, að það muni vera af draugsins völdum.
                                                                                            Netútgáfan - nóvember 1997 (Gríma hin nýja, 4. bindi)

funeral_ghost


EIN OPINBER HEIMSÓKN Á ÁRI ER NÓG!

Enda þarf að nota peningana í allt annað málefni.í raun væri nóg fyrir forsetan að fara í eina opinbera heimsókn á ári!þegar þjóðin er að ná sér eftir sundbaðið kalda með bankana, þá ætti að setja ýmislegt af, ekki bara hjá forseta heldur einnig ráðherrum.Stoppa allt bruðl í 2-4 ár!


mbl.is Opinberri heimsókn til Þýskalands frestað
Tilkynna um óviðeigandi tengingu við frétt

Fjölgar hjá presley..

já það er ekki auðvelt að vera í the presley familyBlush.Fjölmiðlar hömuðust á Lísu mary á meðan hún var ófrísk, vegna þess að þessi elska bætti aðeins á sig.Líktu henni við pabba hennar sem fitnaði mikið undir það síðasta.Lísa hótaði málsókn, og fjölmiðlar báðu hana afsökunnar.

Ég hef alltaf verið mikill presley aðdáandi frá barnsaldri, og hún er svo sannarlega lík pabba sínum.

kæra lísa mary,,til hamingju með börninLoL.


mbl.is Fjölgar í Presley fjölskyldunni
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband